Kina ka njoftuar evakuimin e 400 mijë njerëzve si pasojë e supertajfunit Ragasa, që ka goditur Filipinet dhe Tajvanin. Supertajfuni po lëviz drejt juglindjes së Kinës, duke sjellë erëra të forta deri në 214 km/orë, që kanë shkaktuar pezullimin e fluturimeve dhe trageteve në rajon.
Në Filipine dhe Tajvan, mijëra persona kanë filluar tashmë evakuimin nga shtëpitë dhe shkollat, dhe qindra mijëra të tjerë pritet të largohen nga këto zona të rrezikshme në Kinë. Në Cagayan, rreth 8,200 njerëz u evakuuan në vende të sigurta, ndërsa 1,220 të tjerë u strehuan në qendra emergjente në Apayao, një rajon me rrezik të lartë për përmbytje dhe rrëshqitje dheu.
Pezullimi i fluturimeve është i dukshëm në provincat veriore që po goditen nga tajfuni, me anijet e peshkimit dhe tragetet ndër-ishullore që gjithashtu nuk lejohen të dalin nga portet për shkak të detit të trazuar. Në Tajvan, qarqet jugore kanë marrë masa të rrepta, duke urdhëruar mbylljen e disa zonave bregdetare dhe malore, përfshirë ishujt Orchid dhe Green. Aeroporti i Shenzhen-it ka njoftuar se do të ndalojë fluturimet që nga nata e së martës, ndërsa 50 linja tragetesh janë pezulluar në provincën Fujian.
Agjencia meteorologjike e Filipineve ka lëshuar një paralajmërim për “një rrezik të lartë të një stuhie kërcënuese për jetën,” duke përmendur që dallgët mund të arrijnë mbi 3 metra brenda 24 orëve të ardhshme në disa provinca veriore. Presidenti filipinas Ferdinand Marcos ka pezullohet punën e institucioneve qeveritare dhe urdhëroi mbylljen e të gjitha shkollave në përpjekje për të garantuar sigurinë e qytetarëve.
Situata paraqitet serioze dhe përpjekjet për të mbrojtur banorët vazhdojnë në të dy vendet, në një kohë kur stuhitë dhe kushte të tilla ekstremi ndodhin më shpesh për shkak të ndryshimeve klimatike.
