PSG fitoi mbrëmjen e djeshme Ligën e Kampioneve pasi mundi në finale Interin.
Tashmë ekipi francez do të zhvillojë një tjetër finale këtë herë përballë Tottenhamit në Superkupën e Europës të cilët vijnë si fitues të Europa League. Takimi do të zhvillohet në Itali, në Udine më 13 gusht.
Parizienët do të kenë një verë të zgjatur, pasi do të marrin pjesë në Kupën e Botës për Klube, e cila do të zhvillohet nga 15 qershori deri më 13 korrik në Shtetet e Bashkuara. Sezoni i ardhshëm i Ligue 1 do të rifillojë në fundjavën e 16, 17 dhe 18 gushtit. Fitorja e parizienëve në Ligën e Kampionëve u jep gjithashtu atyre mundësinë për të luajtur në finalen e Kupës Ndërkontinentale më 17 dhjetor, një garë e rinisur nga FIFA vitin e kaluar. Kundërshtarët për francezët do të vijë nga një nga kontinentet e tjera.
