Kryeministri i Kosovës, Albin Kurti ka deklaruar se pas sulmit të ndodhur në Zubin Potok disa ditë më parë, fshihen grupe ekstremiste dhe terroriste serbo-ruse, të cilët kanë lidhje të forta me Beogradin zyrtar.
Kurti i rëferohet operacionit të ndërrmarë nga autoritetet kosovare të cilët kanë kryer kontrolle e bastisje në disa vende të Kosovës, si dhe kanë sekuestruar armë e municion si dhe embelma ruse e serbe të strukturave të inteligjencës dhe të ushtrisë së këtyre vendeve.
“Pas bastisjeve në veri të Kosovës, në lidhje me sulmin kinetik terrorist të datës 29 nëntor 2024 ndaj kanalit të Ibër Lepencit, janë konfiskuar armë, uniforma dhe pajisje të ndryshme, si dhe janë gjetur emblema ruse dhe serbe të strukturave të inteligjencës, ushtrisë dhe sigurisë.
Ky zbulim shqetësues dëshmon për përfshirjen potenciale të grupeve ekstremiste dhe terroriste serbo-ruse, me lidhje të forta në Serbi, që kanë për qëllim destabilizimin e Kosovës dhe krijimin e një mjedisi të pasigurt në rajon.
Stabiliteti dhe paqja në Ballkan kërkojnë një reagim të unifikuar dhe vendimtar kundër këtyre aksioneve terroriste dhe aktiviteteve destabilizuese që rrezikojnë sigurinë e përgjithshme dhe vlerat demokratike në rajon,”shkruan kryeministri i Kosovës Albin Kurti.
Sulmi terrorist në kanalin e Ibër-Lepencit ndodhi pasditen e 29 nëntori ku u dëmtua rrjeti kryesor që furnizon me ujë dhe energji pjesën me të madhe të Kosovës. Qeveria bëri menjëherë përgjegjës Serbinë ndërsa këta të fundit i mohuan menjeherë akuzat duke u distancuar nga ky akt kriminal.
Qëllim i këtij sulmi është cilësuar prishja e rendit publik në Kosovë, krijimi i një mjedisi të pasigurtë si dhe destabilizmi i aktiviteteve jetësore në vend.
