Aeroporti Heathrow i Londrës , më i madhi i Britanisë, u godit nga një sulm kibernetik që rrëzoi Collins Aerospace, një kompani që ofron shërbime kritike për linjat ajrore ndërkombëtare . Autoritetet po hetojnë mundësinë që rusët të kenë qenë pas sulmit.
Aeroporti i Brukselit tha se gjysma e fluturimeve të planifikuara të dielën do të duhet të anulohen për shkak të ndërprerjes së vazhdueshme.
“Aeroporti i Brukselit u ka kërkuar linjave ajrore të anulojnë gjysmën e fluturimeve me nisje të planifikuara të dielën, më 21 shtator, me qëllim shmangien e radhëve të gjata dhe anulimeve të vona”, tha një zëdhënës i aeroportit belg.
Sulmi, i cili ndodhi të premten në mbrëmje, uli sistemet e regjistrimit dhe të hipjes në disa aeroporte evropiane, duke shkaktuar anulime, vonesa të gjata dhe radhë të gjata me orë të tëra në sallat e nisjeve . Aeroporti i Brukselit dhe Aeroporti i Berlinit raportuan probleme të ngjashme .
