Sulmet izraelite ndaj Iranit kanë sjellë anullimin e qindra udhëtimeve ndërsa linjat e udhëtimit kanë nisur të shmangin vijën ajrore ku po ndodhin sulmet. Si pasojë e përshkallëzimit të situatës shumë fluturime nga Izraeli dhe për në Izrael janë anuluar. Këtu përfshihen edhe fluturimet nga Tel Avivi drejt Tiranës dhe anasjelltas, sipas faqes zyrtare të Aeroportit Ndërkombëtar të Tiranës.Aeroporti “Ben Gurion” i Tel Avivit është i mbyllur deri në një njoftim të mëtejshëm dhe kompanitë kryesore ajrore, përfshirë Emirates, Lufthansa, Air France, United dhe Delta, kanë anuluar fluturimet drejt rajonit. Irani, Iraku, Jordania dhe Siria mbyllën gjithashtu hapësirën e tyre ajrore.
Autoritetet e aviacionit në Iran kanë mbyllur hapësirën ajrore të vendit deri në njoftim të mëtejshëm. Kufiri lindor i vendit me Iranin është një nga korridoret më të ngarkuara të trafikut ajror në botë, ku kalojnë shumë fluturime nga Evropa në Azi. Eurocontrol vlerëson se të paktën 1 800 fluturime janë prekur deri më tani vetëm për në Evropë dhe anasjelltas.Trafiku ajror po devijohet ose në jug, nëpërmjet Egjiptit dhe Arabisë Saudite, ose në veri, nëpërmjet Turqisë, Azerbajxhanit dhe Turkmenistanit. 29 fluturime me 2427 pasagjerë u devijuan për në Qipro. 20 fluturime nga Evropa dhe SHBA-të zbarkuan në Larnaka dhe 9 në Pafos.
