Një ngjarje e rëndë ndodhi mbërmjen e kësaj të marte në Marsejë, Francë, ku një burrë goditi me thikë disa qytetarë, duke shkaktuar të paktën pesë të plagosur. Përgjigjia e shpejtë e policisë rezultoi me vrasjen e agresorit, një shtetas tunizian me leje qëndrimi në Francë.
Sipas prokurorit francez, sulmi filloi kur shumica e njerëzve ishin në hotel, pas një verifikimi të menaxherit të tij për mospagesë. Ai goditi fillimisht menaxherin, më pas djalin e tij, i cili pësoi lëndimet më të rënda, si dhe një klient tjetër të hotelit dhe dy kalimtarë që ndodheshin në rrugë.
Një banor lokal raportoi se sulmuesi kishte tentuar të godiste edhe oficerët e policisë në përpjekjen për ta arrestuar. Dëshmitarët thanë se ai mbante dy thika të mëdha.
Të plagosurit janë dërguar në spital për trajtim, ndërsa njëri prej tyre ndodhet në gjendje të rëndë. Policia vazhdon hetimet për të sqaruar të gjitha rrethanat e ngjarjes.
