Një ngjarje tragjike ka ndodhur mbrëmjen e së shtunës në jug të Austrisë, ku një 23-vjeçar ka goditur me thikë pesë kalimtarë në Villach.
Si pasojë e sulmit, një 14-vjeçar ka humbur jetën. Këtë e ka raportuar stacioni televiziv austriak ORF, duke cituar policinë. Krimi ka ndodhur në qendër të qytetit, pranë sheshit kryesor. Policia ka arrestuar autorin e sulmit, një shtetas sirian me leje qëndrimi.
Sipas zëdhënësit të policisë Rainer Dionisio, i cili është cituar nga “Kurier”, 23-vjeçari ka sulmuar kalimtarët pak para orës 16:00, ndërsa personi më i vjetër që u plagos është 32 vjeç. Një dëshmitar, i cili ishte i pranishëm gjatë ngjarjes, ka goditur me makinë autorin, duke lehtësuar kështu arrestimin e tij.
