Sfidat e fundit të kualifikuesve për Botërorin 2026 sollën emocion dhe gola pa fund në fushat europiane. Ndeshja më e komentuar ishte ajo mes Izraelit dhe Italisë, e zhvilluar në Debrecen të Hungarisë.
Pas një dueli dramatik, italianët siguruan një fitore të madhe 5-4, duke u ngjitur në vendin e dytë të Grupit I dhe duke forcuar shpresat për kualifikim.
Në Grupin B, Zvicra nën drejtimin e kapitenit Granit Xhaka, dominoi ndaj Sllovenisë me rezultatin 3-0. Goli i Elvedit, një asist i Embolos dhe finalizimi i Ndoye vulosën suksesin që mban helvetët në krye të grupit, ku garon edhe Kosova.
Kroacia tregoi edhe njëherë forcën e saj në Grupin L, duke mposhtur bindshëm Malin e Zi me rezultatin 4-0 dhe duke konsoliduar vendin e parë në renditje.
Ndërkohë, Greqia u përball me një humbje të rëndë 3-0 nga Danimarka në Grupin C, rezultat që e vë në pozitë të vështirë përballë rivalëve. Në të njëjtin grup, Skocia mori tre pikë të rëndësishme kundër Bjellorusisë, duke mbajtur gjallë garën.
Këto duele spektakolare treguan intensitetin e lartë të kualifikuesve dhe pritshmëritë e mëdha të skuadrave që ëndërrojnë pjesëmarrjen në turneun më prestigjioz të futbollit botëror.
