Gjykata e Posaçme e Shkallës së Parë ka vendosur sekuestrimin e dy pasurive të Monika Kryemadhit dhe nënës së saj, Fatime Kryemadhi, në Tiranë, pas një kërkese të SPAK. Vendimi është marrë në kuadër të hetimeve për procedimin penal nr. 122 të vitit 2022 dhe u ekzekutua më 19 dhe 20 Nëntor 2024.
Pasuritë e sekuestruara janë dy ndërtesa në Selitë, Tiranë, me sipërfaqe totale mbi 600 m². Pasuria në pronësi të Fatime Kryemadhit përfshin katin përdhes 152 m², kati nëntokë 139 m², katin e parë 79 m² dhe katin e dytë 51 m², ndërsa pasuria në pronësi të Monika Kryemadhit ka të njëjtën ndarje sipërfaqe. Të dyja pasuritë ndodhen në Rezidencën “Kodra e Diellit”.
Vendimi i Gjykatës së Posaçme është zbatuar nga policia gjyqësore, duke bllokuar pasuritë në regjistrat e Kadastrës dhe duke njoftuar pronarët.
