SPAK ka kërkuar dënimin me 1 vit e 6 muaj burg për Majlinda Bufin, kryebashkiaken socialiste të Rroskovecit për akuzën e “përdorimit të funksionit publik për veprimtari politike ose zgjedhore”.
Për shkak të gjykimit të shkurtuar dënimi i kërkuar ulet në 1 vit.
Bufi nuk rrezikon të shkojë në qeli për shkak se në përfundim SPAK kërkoi pezullimin e dënimit dhe lënien e saj në Shërbim Prove për 2 vjet.
Ajo akuzohet se, në cilësinë e kryebashkiakes, ka përdorur detyrën dhe funksionet publike për qëllime politike, duke ushtruar presion ndaj një qytetari (me inicialet G.B.) që të mos marrë pjesë në zgjedhjet vendore të 14 majit 2023 dhe të mos angazhohet në aktivitetet zgjedhore të partive konkurrente.
