Një operacion i gjerë policor ka nisur pas mesnate dhe vijon ende në disa qytete të vendit.
Në Tiranë, Durrës, Fier dhe Vlorë janë kryer kontrolle në banesa dhe ambiente të tjera, ndërsa janë ekzekutuar edhe disa urdhër-arreste. Operacioni është zhvilluar me urdhër të SPAK-ut, në bashkëpunim me Policinë e Shtetit.
Sipas informacioneve të para, janë lëshuar 24 urdhër-arreste, mes të cilëve ndodhen avokatë, zyrtarë policie dhe persona të përfshirë në botën e krimit.
Gjithashtu, si pjesë e këtij hetimi janë sekuestruar pasuri në qytetet e Durrësit dhe Tiranës.
Në orët në vijim pritet të ketë më shumë detaje.
