Ditën e sotme, rreth 27 mijë maturantë në të gjithë vendin do t’i nënshtrohen provimit të dytë të Maturës Shtetërore, atë të Gjuhës Shqipe dhe Letërsisë.
Maturantët duhet të paraqiten në ambientet e shkollës në orën 8:30, ndërsa provimi do të nisë në orën 10:00 dhe do të përfundojë në 12:30.
Këtë vit Ministria e Arsimit dhe Sportit ka vendosur edhe teste të personalizuara për maturantët me aftësi të kufizuara.
Në korrigjim janë angazhuar më shumë se 640 mësues, ndërsa të gjitha provimet zhvillohen në shkolla që plotësojnë kushtet infrastrukturore sipas Rregullores së Maturës Shtetërore.
Rregulla gjatë provimit:
Nxënësit duhet të kenë me vete mjet identifikimi (kartë ID ose pasaportë);
Gjatë provimit nxënësit duhet të kenë veshje të rregullt, uniforma e shkollës;
Gjatë kosës që zhvillohet provimi ndalohen rreptësisht: telefonat dhe ora smart;
Nxënësit duhet të përdorin stilolaps me një ngjyrë dhe kurrë më shumë se një ngjyrë në plotësimin e testit;
Firmosni kur merrni dhe dorëzoni testin;Kontrolloni testin për pasaktësi ose paqartësi në lexim;
Nuk lejohet largimi para 12:30;
Sjellje korrekte dhe vëmendje gjatë testit.
Maturantët do të zhvillojnë më pas provimin e Matematikës më 17 qershor, ndërsa provimi me zgjedhje më 24 qershor.
