Presidenti i Republikes, Bajram Begaj ka kujtuar ditën e sotme, lindjen e Ibrahim Rugovës. Përmes një reagimi në rrjetet sociale, Begaj shprehet se “koha dëshmoi vlerat e tij si burrë shteti për të cilat kemi nevojë sot e përgjithmonë.”
“Si sot 80 vite më parë Kosova lindi Presidentin e rrallë e vizionar që pa gjithmonë nga Perëndimi për ardhmërinë.
Koha dëshmoi vlerat e tij si burrë shteti për të cilat kemi nevojë sot e përgjithmonë.
Të gjithë shqiptarët do ta kujtojnë gjithmonë me nderim ditëlindjen e Presidentit të Përjetshëm Dr. Ibrahim Rugova!” shkroi Presidenti Begaj në rrjetet sociale.
