Vetëm 24 orë pas arritjes së madhe të Lara Colturit në Sllallomin Gjigand të Grasnja Gorës në Slloveni, situata duket se nuk është më e qetë në kampin e familjes së saj, që praktikisht është edhe ekipi i Larës, ku kryesorja është nëna, Daniela Ceccarelli, ish-kampionia italiane e Botës dhe Olimpike dhe babai i Larës së bashku me menaxherin.
Por kur Lara deri dje ishte thjesht një fëmijë i vogël, me pak shpenzime dhe me kërkesa minimaliste, pasi rezultatet dhe pjesëmarrja ishte në aktivitete të rinjsh, gjërat ishin ndryshe, ndërsa sot, pas këtij edicion të Kupës së Botës dhe kur e gjithë bota e skive përgatitet për Olimpiadën Dimërore të janarit të ardhshëm në Kortina të Italisë, gjërat janë ndryshe.
Lara ka arritur në dy prej 9 etapave të Kupës së Botë që janë zhvilluar të renditet e dyta, jashtë pritshmërive, por me kërkesa, motivim dhe ambicie gjithnjë e në rritje. Për të arritur deri këtu, sigurisht të angazhuar familjarisht, nëna, babai dhe menaxheri i saj, kostot sipas burimeve konfidenciale janë rreth 500.000 euro në vit.
Ndërkohë sponsorët aktualë që Lara mban në fanelën e saj janë të gjitha të ardhura për të dhe familjen, por nuk janë kontrata të mëdha, madje i njëjti burim na bën me dije se këta sponsora sjellin rreth 150.000 euro për ta dhe rreth 100.000 euro i sigurohen nga Federata Shqiptare e Skive, në bashkëpunim me Bashkinë e Tiranës dhe sponsora të ndryshëm. Dhe nuk ka nevojë shumë për të kuptuar që sot familja e Larës, së bashku me të dalin me humbje.Nëna e saj, Daniela Ceccarelli, përpara se Lara të rritej dhe pasi kishte lënë sportin ishte komentatore teknike e Rai Sport dhe Sky Italia dhe paralelisht së bashku me bashkëshortin e saj kishin një shkollë skish, që përdorej padyshim mbiemri Ceccarelli, që në Itali është një simbol i skive. Të gjitha këto biznese dhe para u ndaluan për të ndjekur talentin e vajzës dhe për ta ngjitur atë në majën e skive, që rrjedhimisht do t’i sillte edhe para të një tjetër niveli nga ato çfarë po i sigurojmë ne sot.
Lajmi i rremë i publikuar 24 orë në Sky Italia që më pas u hoq
