Ditën e sotme qytetet e Shqipërisë janë mbuluar nga reshjet e dëborës dhe situata vazhdon të jetë problematike në qarkullimin e mjeteve në rrugë.
Në aksin nacional Burrel-Milot në vendin e quajtur Qafa e Ulzës situata vazhdon të jetë e rëndë. Prej disa orësh qindra makina janë të bllokuara dhe mes tyre ka dhe të sëmurë të cilët ishin nisur drejt spitalit të Tiranës me mjetet e tyre private.
Gjithashtu edhe në aksin nacional Bulqizë-Peshkpi në vendin e quajtur “Pishat” për shkak të erës rruga vazhdon të jetë e bllokuar dhe trashësia e borës ka arritur deri në 60 cm.
