Ministria e Mbrojtjes njofton se gjatë 24 orëve të fundite vetëm një vatër zjarri ka mbetur ende aktive. Vatra e zjarrit që ka mbetur aktive është në fshatin Spatharë, njësia administrative Vëndreshë, bashkia Skrapar.
Zjarret e shuara dhe dëmet përkatëse:
Plan i Bardhë & Mali i Allushit, Klos: u dogjën 120 ha, ndërsa 350 ha të tjera u përfshinë nga flakët.
Zall Gjoçaj, Derjan, Mat: 20 ha të djegura, 499 ha të përshkuara.
Gur i Bardhë, Xibër, Klos: zjarri tashmë i shuar.
Gurë-Lurë, Lurë, Dibër: 55 ha të djegura, 580 ha të përshkuara.
Qafa e Buallit, Bulqizë: 22 ha të djegura, 35 ha të përshkuara, pavarësisht ndërhyrjes tokësore dhe nga ajri me helikopter.
Sipas Institutit të Gjeoshkencave, sot priten reshje të dobëta në qarqet Kukës, Dibër, Elbasan, Berat dhe Korçë, si dhe reshje të shpërndara në qarqet e tjera.
