Në fushë ka qenë një lider dhe një fitues. Jorge Costa do të mbahet mend si kapiteni i madh i Portos, dhe si ylli i Portugalisë në vitet 2000, ndërsa futbolli portugez dhe ai botëror janë në zi për shuarjen e tij.
Ish-lojtari I kombëtares portugeze dhe i bardhekaltërve të Portos mbylli sytë në moshën e parakohëshme 53-vjeçare pasi pësoi një atak në zemër. Kjo ndodhi, ndërsa ai ndodhej në kompleksin stërvitor të Portos, ku ishte caktuar prej një viti drejtor futbolli i klubit.
Zhorge Kosta luajti 50 ndeshje për Portugalinë, ndërsa fitoi Kupën e Botës U20 në vitin 1991. Me Porton fitoi Championsin në 2004 nën drejtimin e trajnerit Zhoze Murinjo, duke qenë kapiten i skuadrës.
Po ashtu fitoi Kupën UEFA si kapiten dhe Kupën Interkontinentale, si dhe 8 tituj kampion në Portugali, 5 Kupa të Portugalisë dhe 8 Superkupa. Zhorge Silva punoi për gati 20 vjet si trajner dhe drejtoi 17 skuadra të ndryshme.
