Një shtetase amerikane është gjetur e pajetë paraditen e sotme në banesën e saj në qytetin bregdetar të Sarandës.
Viktima është identifikuar si Sharly Lynn Chaddick, 63 vjeçe, me origjinë nga Shtetet e Bashkuara të Amerikës. Sipas burimeve paraprake, Chaddick jetonte prej disa vitesh në Sarandë, ku kishte blerë një apartament dhe ishte integruar në komunitetin lokal.
Trupi i pajetë është transportuar fillimisht në morgun e qytetit, përpara se të dërgohet në Institutin e Mjekësisë Ligjore në Tiranë, ku do të kryhet ekspertiza për të përcaktuar shkaqet e vdekjes.
Autoritetet lokale kanë nisur hetimet për të zbardhur rrethanat e ngjarjes, ndërkohë që po punohet për të kontaktuar familjarët e saj në SHBA dhe për të ndjekur procedurat ligjore përkatëse.
