Ylli Didani 43-vjeçari nga Shqipëria është dënuar me burg të përjetshëm nga një gjykatë në Detroit për drejtimin e një organizate ndërkombëtare që trafikon kokainë në Amerikën e Jugut, SHBA dhe Evropë.
Hetimet zbuluan se në vitet 2019-2020 u sekuestruan mbi 3,400 kilogramë kokainë në pesë anije, me vlerë tregu mbi 100 milionë dollarë.
Rrjeti i tij planifikonte të përdorte edhe një dron nënujor për transport të fshehtë të drogës pranë brigjeve evropiane.
Didani u arrestua para se ky plan të realizohej dhe tani përballet me dënimin maksimal për trafik dhe pastrim parash.
