Një ngjarje e rëndë është regjistruar mbrëmjen e sotme në Acate të Italisë, ku një shtetas shqiptar mbajti peng për disa dhjetëra minuta banorët e një ndërtese, duke kërcënuar se do ta hidhte në erë me bombola gazi.
Sipas mediave italiane, shqiptari i cili dyshohet se vuan nga probleme të shëndetit mendor – u bë agresiv dhe filloi të kërcënonte të pranishmit. Situata shkaktoi panik tek banorët e zonës, të cilët njoftuan menjëherë policinë.
Në vendngjarje mbërritën forcat e karabinierëve, ku u desh ndërhyrja e gjashtë efektivëve për të neutralizuar autorin dhe për ta dorëzuar tek shërbimi i urgjencës mjekësore.
