Shqiptarët ende nuk e kanë bërë kulturë dhe rutinë të tyre vizitën tek dentisti në mënyrë periodike. Sa më e madhe është mosha, aq më të pakta janë konsultat për shëndetin oral dhe shumica shkojnë tek dentist kur dhimbja nuk ndalon.
Mjekët stomatolog apelojnë që të rritet përgjejshmëria e higjenës orale tek të rriturit. Ata thonë se parandalimi është trajtimi më i mirë.
“Problemi më i madh është siptomatologjia që i sjell ato, dhimbja ose infeksioni shumë i madh i sistemi dentar. Ndikon shumë ushqyerja, trashgimia, por kujdesi është prioritet i të gjitha prioriteteve”, është shprehur stomatologu, Hydajet Ponari.
Kur flitet për fëmijët situata është ndryshe. Futja e shërbimit të stomatologut në shkolla ka rritur ndërgjegjësimin por edhe trajtimin në kohë të problematikave të dhëmbëve, qoftë ajo e kariesit dentar apo dhe problemeve ortodontike./Euronews Albania
