Shqipëria çeli sot grupkapitullin e dytë të negociatave me Bashkimin Europian – “Tregu i Brendshëm”, në Konferencën e katërt ndërqeveritare Shqipëri – BE, e cila u mbajt këtë të hënë në Luksemburg.
Kryeministri Edi Rama, kryeson delegacionin shqiptar në këto bisedime, i përbërë nga ministra, zëvendësministra dhe drejtues të punës për kapituj përkatës.
Kryeministri Rama në Bruksel u prit nga Presidenti i Këshillit Europian Antonio Costa me të cilin zhhvilloi dhe një takim kokë më kokë për të diskutuar progresin e bërë në procesin e negociatave, si edhe për përgatitjet e Samitit të Komunitetit Politik Europian më 16 maj, e natyrisht edhe për situatën në rajon, ku Presidenti do të bëjë vizitën e tij të parë zyrtare në vigjilje të këtij Samiti.
Ndërsa këtë pasdite ka zhvilluar një konferencë tëpërbashkët për shtyp me Radosłaë Sikorski, Ministër i Punëve të Jashtme të Polonisë, e cila mban Presidencën e Këshillit të BE, dhe Marta Kos, Komisionerja për Zgjerim e BE.
Radosłaë Sikorski tha çelja e grupkapitulli i dytë është tepër e rëndësishme dhe tashmë Shqipëria është në rrugën e duhur drejt BE.
“Presidenca polake mbështet zgjerimin e BE. Kemi punuar pareshtur. E mbyllëm 2024 me një vizitë në Shqiëpri dhe në 2025 prita komisioneren Kos në Varshavë. Jam i lumtur që gjendem këtu me kryeministrin Rama dhe Komisioneren Koos. Kapitujt që hapën sot janë jetikë për integrimin e Shqipërisë. Reformat e nevojshme do të rrisin mundësitë tregtare, do ta bëjmë Shqipërinë më tërheqëse në investime. Ju përshëndes zoti Rama. Shumica dërrmuese e popullit shqiptar mbështet rrugën në të cilën ju jeni, kjo është pozitive për ne. BE është e ardhme e mirë e sigurt dhe e begatë”, tha Radosław Sikorski.
