Një shpërthim me eksploziv ka ndodhur mbrëmjen e sotme në qytetin bregdetar të Sarandës. Sipas raportimeve paraprake, lënda plasëse është vendosur në automjetin e një personi të shpallur në kërkim, me inicialet K.J.
Ende nuk ka informacion zyrtar për persona të lënduar, ndërkohë që forcat e policisë ndodhen në vendngjarje dhe po kryejnë hetime. Ngjarja ka ndodhur në Lagjen Nr. 3 të qytetit, ndërsa hetimet vijojnë për të zbardhur rrethanat e plota të shpërthimit.
Ngjarja ka shkaktuar panik mes banorëve të zonës përreth. Në të njëjtën kohë, burime mediatike bëjnë me dije se autoritetet kanë vendosur postoblloqe në hyrje dhe dalje të qytetit, me qëllim kapjen e autorit ose autorëve të përfshirë në këtë incident.
*Foto ilustruese
