Një shpërthim i fuqishëm i shoqëruar nga zjarr u regjistrua në një kompani furnizimi me pjesë automobilistike në Roseland, Luiziana. Pamjet nga vendngjarja treguan ndërtesën e kompanisë Smitty’s Supply të përfshirë nga flakët, ndërsa tymi i dendur i zi mbuloi qiellin mbi këtë komunitet rural.
Autoritetet urdhëruan menjëherë evakuimin e detyrueshëm të banorëve brenda një rrezeje prej një milje (rreth 1.6 kilometra). Deri tani nuk është raportuar për të lënduar. Si masë paraprake, edhe një shkollë fillore pranë zonës u evakuua.
Roseland, qyteti ku ndodhi incidenti, ka rreth 1,100 banorë dhe ndodhet afërsisht 80 kilometra në verilindje të Baton Rouge. I gjithë qyteti u vu në gjendje emergjence, ndërsa zjarrfikësit punuan për orë të tëra për të vënë zjarrin nën kontroll.
