Një vullkan në ishullin kryesor perëndimor të Japonisë, ka shpërthyer disa herë këtë të dielë, duke shkaktuar një re tymi dhe hiri deri në 4.4 kilometra (2.73 milje) dhe për paaasojë dhjetra fluturime të anulluara.
Vullkani, i cili quhet Sakurajima dhe ndodhet në majën jugore të Kyushu pranë qytetit të Kagoshimës, shpërtheu rreth orës 1 të mëngjesit, me orën lokale, tha Agjencia Meteorologjike Japoneze (JMA). Pati dy shpërthime të tjera rreth orës 2:30 të mëngjesit dhe 8:50 të mëngjesit.
Sipas raportimeve të mediave lpkale, 30 fluturime vajtje ardhje në Aeroportin e Kagoshimës u anuluan për shkak të reshjeve të hirit.
Sakurajima është një nga vullkanet më aktivë të Japonisë dhe shpërthime të niveleve të ndryshme ndodhin rregullisht. Në vitin 2019, ai hodhi hi deri në 5.5 km (3.4 milje).
