Tre persona kanë mbetur të lënduar pas shpërthimit të një bombole gazi në Fshat Maliq.
Ngjarja ka ndodhur rreth orës 11:00 në banesën e shtetasit M. M.
Sipas policisë, të lënduar kanë mbetur tre pjesëtarë të familjes, të cilët aktualisht po marrin mjekim në spitalin e Korçës dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të rastit.
