Një aksident i rëndë me pasojë vdekjen e një burri 60-vjeçar u regjistrua pasditen e kësaj të premteje në afërsi të Urës së Gjoricës në Dibër.
Sipas inforcamcioneve të para, aksidenti ndodhi rreth orës 17:00. Një shofer ka përplasur për vdekje shtetasin Fehmi Leka dhe më pas është larguar me shpejtësi nga vendi i ngjarjes. Policia ende nuk ka mundur që ta identifikojë autorin.
Familjarët e të ndjerit janë në gjendje të rëndë psikologjike, dhe kërkojnë zbardhjen e menjëhershme të ngjarjes. Ata pritën ambulancën për të dërguar të afërmin e tyre në spital, por ai nuk mundi t’i mbijetojë përplasjes nga makina.
Njoftimi i policisë:
Dibër/Informacion paraprak
Rreth orës 17:00, në vendin e quajtur “Ura e Gjoricës”, është gjetur pa shenja jete, shtetasi F.L., rreth 60 vjeç.
Nga veprimet e para hetimore, dyshohet se ky shtetas është aksidentuar nga një automjet, i cili është larguar nga vendi i ngjarjes.
Grupi hetimor në drejtimin e Prokurorisë, vijon punën për të dokumentuar me prova ligjore rrethanat e rastit, identifikimin dhe kapjen e autorit.
