Një punonjëse e policisë nga Komisariati i Korçës është arrestuar paraditen e kësaj të mërkure pasi po drejtonte mjetin në gjendje të dehur.
Shtetasja me iniciale L. L., teksa udhëtonte me mjetin e saj privat me shpejtësi mbi normat e lejuara, ka devijuar nga rruga dhe është përplasur me një shtyllë. Policia ka mbërritur menjëherë në vendngjarje ku pasi ka kryer verifikimet e nevojshme, është konstatuar se efektivja e policisë, e cila ishte jashtë orarit të shërbimit, ishte në gjendje të dehur me një nivel alkoli mbi normat e lejuara.
Punonjësja e policisë është vendosur nën arrest ndërsa nga ky aksident janë raportuar vetëm dëme materiale.
