Policia e Tiranës ka proceduar penalisht katër persona, përfshirë një femër, të cilët u konfliktuan fizikisht gjatë një mosmarrëveshjeje për bllokimin e rrugës së makinës.
Sipas njoftimit të policisë, nisi procedimi penal për shtetasit: S. I., 27 vjeç, F. P., 21 vjeçe, S. H., 22 vjeç dhe R. K., 30 vjeç. Dyshohet se ata, për motive të dobëta, janë konfliktuar fizikisht në rrugën “Hysni Gërbolli” dhe kanë bllokuar lëvizjen e njëri-tjetrit me automjete.
Gjithashtu, gjatë sherrit, shtetasi R. K. dyshohet se ka dëmtuar automjetin që përdorte 27-vjeçari S. I.
