Policia e Durrësit ka dalë me një komunikatë për mediat në lidhje me sherrin mes dy familjeve të regjistruar mesditën e kësaj të diele, rreth orës 13:20 në lagjen e Spitallës.
Burime zyrtare thonë se janë tre persona që kanë mbetur të plagosur me thikë, më konkretisht, shtetasi M. D., 47 vjeç, A. D., 23 vjeç, dhe A. E., 46 vjeç, të cilët janë dërguar në spitalin e Durrësit dhe po marrin mjekim.
Ndërkohë, autpri i dyshuar i plagosjes, shtetasi R. E., 22 vjeç është shoqëruar në komisariat. Dyshohet se dy familjet janë konfliktuar për motive të dobëta, por sherri ka degraduar deri në përdorimin e thikës dhe të sendeve të forta.
Njoftimi:
Durrës / Informacion paraprak
Rreth orës 13:20, në lagjen nr. 15, Spitallë, Durrës, për motive të dobëta janë konfliktuar disa shtetas. Gjatë konfliktit, janë dëmtuar me mjet prerës shtetasit M. D., 47 vjeç, A. D., 23 vjeç, dhe A. E., 46 vjeç, banues në Spitallë, Durrës, të cilët po marrin ndihmën mjekësore në spitalin e Durrësit.
Shërbimet e Policisë kanë shoqëruar shtetasin R. E., 22 vjeç.
Grupi hetimor ndodhet në vendngjarje dhe po kryen veprimet procedurale për sqarimin e plotë të rrethanave.
