Sherr me thika në Vlorë, 41-vjeçari në gjendje të rëndë

Një plagosje me thikë ka ndodhur mbrëmjen e sotme në lagjen ’15 tetori’ në qytetin e Vlorës.

Sipas informacioneve paraprake, një 51-vjeçar me inicialet A. R., person me precedent të mëparshëm penal, ka plagosur me thikë shtetsin me inicialet Xh. K., 41-vjeç me banim në lagjen “24 maji”. Ngjarja ka ndodhur rreth orës 20:27, teksa i plagosuri sipas policisë, ndodhet në spitalin e Vlorës në gjendje të rëndë për jetën. Ai po mbahet nën kujdesin e mjekëve.

Autori ende nuk është ndaluar nga policia, teksa rrethanat e konfliktit janë ende të paqarta.

Njoftimi i Policisë:

Vlorë/Informacion paraprak

Rreth orës 20:27, në lagjen “15 Tetori”, dyshohet se për motive të dobëta, shtetasi A. R., 51 vjeç, person me precedent penal, ka plagosur me mjet prerës (thikë) shtetasin Xh. K., 41 vjeç, banues në lagjen “24 Maji”, dhe më pas është larguar nga vendi i ngjarjes.

Shtetasi Xh. K. ndodhet në Spitalin Rajonal Vlorë, nën kujdesin e mjekëve, në gjendje të rënduar shëndetësore.

Grupi hetimor ndodhet në vendngjarje dhe po punon për kapjen e autorit të dyshuar, si dhe për zbardhjen e plotë të rrethanave të ngjarjes.