Një sherr i dhunshëm mes një grupi turistësh dhe biznesmenëve është raportuar në orët e para të mëngjesit të sotëm në zonën turistike të Lumit të Shalës.
Sipas raportimeve paraprake, konflikti ka nisur rreth orës 02:00, mes disa të rinjve shqiptarë turistë dhe disa të tjerëve që ushtrojnë aktivitet biznesi në këtë zonë.
Raportohet se gjatë përplasjes janë përdorur mjete të forta, ndërsa dy prej tyre kanë mbetur të plagosur. Përplasja fizike ka zgjatur për disa minuta, duke shkaktuar panik dhe shqetësim në këtë pikë turistike që vizitohet nga qindra pushues çdo ditë.
Ende nuk dihet shkaku i ngjarjes, ndërsa pritet një njoftim zyrtar nga autoritetet.
