Disa të burgosur u përfshinë në një përplasje të dhunshme në burgun e Bassones në Komo, ku ishin të përfshirë edhe shqiptarë. Ngjarja ndodhi pasditen e së premtes, kur një grup prej dhjetë të burgosurish shqiptarë arritën të hapnin me forcë një derë të brendshme që ndante seksionin e tyre nga ai i tre të burgosurve me origjinë afrikano-veriore.
Përplasja u ndërpre nga efektivët e policisë së burgjeve, por gjatë ndërhyrjes, katër nga oficerët e policisë u plagosën dhe morën trajtim në urgjencën e spitalit Sant’Anna në Como.
Për të rivendosur rendin, autoritetet e burgut të Comos morën përforcime nga Milano. Si rezultat i incidentit, gjashtë nga dhjetë të burgosurit shqiptarë u transferuan në burgjet e Operas, Vigevanos dhe Kremones.
Përplasja besohet të ketë lindur nga mosmarrëveshjet e mëparshme mes dy grupeve të burgosurve.
