Shërbyesit Publikë Pa Rroga Kryeministri në ShBA – Kritika të Forta Kurtit nga Vlora Çitaku
Nënkryetarja e Partisë Demokratike të Kosovës (PDK), Vlora Çitaku, ka shprehur kritika të ashpra ndaj Qeverisë së Kosovës për mosekzekutimin e pagave për punonjësit e sektorit publik, të cilat pritej të bëheshin në fund të muajit.
Në një intervistë në emisionin “Pressing” të T7, Çitaku theksoi mungesën e ndjeshmërisë dhe profesionalizmit nga ana e qeverisë. Ajo vuri në dukje se qindra mijëra punonjës, përfshirë policë, mjekë, mësues dhe ushtarë, ende nuk kanë marrë pagat e tyre, duke sjellë pasiguri financiare për shumë qytetarë.
“Kjo është një pasqyrë brutale e papërgjegjësisë totale dhe mungesës së llogaridhënies nga qeveria, si dhe mungesës së profesionalizmit dhe empatisë,” deklaroi Çitaku.
Ajo theksoi se shumë qytetarë janë në ankth për situatën e tyre financiare dhe kritikoi kryeministrin Albin Kurti për komentet e tij ndaj mediave dhe ish-qeverive, të bëra gjatë një organizimi të Internacionales Socialiste në Shtetet e Bashkuara të Amerikës.
“Kryeministri duhet të kuptojë që në New York na përfaqëson të gjithëve ne,” përfundoi Çitaku.