Gjykata e Korçës ka marrë vendimin për dy vajzat nga Korça të cilat u arrestuar nga policia pasi shantazhonin dhe denigronin adoleshentet në rrjete sociale. Gjykata ka caktuar masën e “detyrimit për paraqitje” për 19-vjeçaren P.M, ndërsa për 17-vjeçaren E.P, u caktua masa e “mbikëqyrjes nga prindërit”. Dy të rejat akuzohen se janë përgjegjëse për një faqe në rrjetin social Instagram, ku publikoheshin foto, video intime dhe të dhëna për disa vajza adoleshente me fjalë shantazhuese dhe denigruese.
Njoftimi i Gjykatës së Korçës:
“Në Gjykatën e Shkallës së Parë e Juridiksionit të Përgjithshëm Korçë, u zhvillua sot në datën 09.02.2025 ora 13:00 seanca me objekt: “Vleftësim ndalimi, caktim mase sigurimi”, ndaj shtetases P.M dhe E.P, ku gjykata në përfundim vendosi:
1- Vleftësimin si të pa ligjshëm të ndalimit dhe caktimin e masës së sigurimit “Detyrim për t’u paraqitur në policinë gjyqësore” ndaj shtetases P.M, e dyshuar për kryerjen e veprës penale “pornografia”, parashikuar nga neni 117/2 dhe 25 i Kodit Penal.
2- Vleftësimin si të pa ligjshëm të ndalimit dhe caktimin e masës së sigurimit “Vendosja e të miturës në mbikëqyrje” ndaj shtetases E.P, e dyshuar për kryerjen e veprës penale “pornografia”, parashikuar nga neni 117/2 dhe 25 i Kodit Penal”.
