Kryedemokrati Sali Berisha duket se është në telashe të reja!
Disa aleatë janë larguar nga koalicini politik i drejtuar prej tij, ndër të fundit dhe Selamin Jenishehri, i Partisë së Pensionistëve. Një ditë më parë Jenishehri do të deklaronte largimin nga koalicioni.
Por kjo nuk është e vetmja gjë. Ai tha se Berisha e mashtroi duke i marrë firmën dhe mos zhvilluar asnjë mbledhje.
“Kam firmosur se jam dakord të jem pjesë e koalicionit. Pas këtij momenti PD refuzoi ti japë jetë këtij koalicioni. Nuk është bërë asnjë mbledhje dhe nuk është firmosur asnjë dokument,” tha ai.
Jenishehri vijon duke shpejguat se dhe lista e kandidatëve për zgjedhjet e 11 majit është bërë nga Sali Berisha pa marrë asnjë mendim dhe pa u thirrur askush nga pjesëtarët e tjerë të partive. Madje sipas tij, vendimi që Sali Berisha të vendoset si përfaqësues i këtij koalicioni është marrë nga vetë kreu i PD-së pa pyetur partitë e pjesëmarrëse.
“Kur bëhet lista e kandidatëve, ajo është e koalicionit e 26 partive e ti nuk i thërret fare për të marrë mendim. Ne nuk kemi qenë dakord që Sali Berisha të përfaqësojë koalicionin. Unë nuk e njoh Sali Berishën përfaqësues të koalicionit. Është dashur të bëhej mbledhje e të zgjidhej. Asnjë mbledhje asgjë nuk është bërë”.
