Një tjetër ngjarje e rëndë ka ndodhur pasditen e kësaj të premteje në qytetin e Korçës, ku një person është plagosur me thikë.
Bëhet me dije se një 27 vjeçar është transportuar me urgjencë në spital dhe ndodhet në repartin e reanimacionit, ndërsa gjendja e tij raportohet të jetë e rëndë.
Mësohet se ngjarja ka ndodhur pas një konflikti çasti në fshatin Dvoran të Korçës, ku 27-vjeçari është goditur me thikë nga një 40-vjeçar, i cili sapo kishte lënë qelitë e burgut.
Policia ndodhet në vendngjarje dhe po heton për zbardhjen e plotë. Kujtojmë që një ditë më parë në fshatin Pirg një 14-vjeçar humbi jetën pasi u godit me thikë nga një bashkëmoshatar.
