Ervin Salianji vijon të bëjë me “dhimbje koke” Sali Berishën. Ish-deputeti ka mbledhur sot në një takim demokratët e Shkodrës dhe, ashtu si në Durrës, Elbasan dhe në Gjirokastër, edhe aty e ka mbushur sallën plot.
Salianji ka nisur një tur takimesh pas një bisede që pati me Ilir Alimehmetin dhe shumë figura të tjera në PD që dolën të parët në primare.
Lëvizja e tij është kritikuar nga Sali Berisha dhe ata që i rrinë pas, duke akuzuar Salianjin se po çon “ujë te mulliri i Ramës”. Madje, në mbledhjen e Kryesisë pati shumë debate.
Takimi ka nisur pak më parë dhe duket se të zhgënjyerit brenda PD-së janë shtuar ndjeshëm. Shkodra është baza kryesore e PD dhe duket se Berishës po i firojnë besnikët.
