Kryetari i Partisë Demokratike, Sali Berisha me një postim në rrjete sociale, ka ironizuar sloganin e fushatës së Partisë Socialiste teksa në qendër të 12 yjeve që simbolizojnë ato të Bashkimit Europian, Berisha ka vendosur portretet e 12 eksponentëve të PS tashmë të arrestuar nga drejtësia.
Fotoja është shkëputur nga mitingu i mbajtur ditën e sotme për çeljen e fushatës, teksa në qendër të Sheshit “Skëndërbej” ishin vendosur 12 yje që simbolizojnë ato të Bashkimit Europian ndërsa në qendër ishte vendosur platforma në formë ylli ku janë mbajtur fjalimet me radhë.
Në mesin e 12 socialistëve të arrestuar, Berisha ka vendosur një mi, që sipas “arkitetit” të fushatës së partisë së tij, Chris LaCivita, simbolizon Edi Ramën.
