Yaya Toure ka vetëm fjalë të mira për lojtarin më në formë të Premier League, Mohamed Salah. Ish-mesfushori i Manchester City e rendit shumë lart egjiptianin.
Salah po shkëlqen këtë sezon dhe, nëse Liverpool triumfon në Champions League, mund të jetë fituesi i “Topit të Artë”.
Në një intervistë për beIN Sports, Toure u shpreh Salah është lojtari më i mirë në të gjithë botën, jo vetëm në Afrikë.
“Salah meriton të përfshihet në mesin e më të mirëve në botë. Ai ka qenë i qëndrueshëm për shumë vite, por prapë ka njerëz që e kritikojnë dhe kjo është padrejtësi”.
Salah ka 30 gola dhe 21 asistime në 38 ndeshje të këtij sezoni.
