Avokati Saimir Visha ka ngritur alarmin për gjendjen në sistemin e paraburgimit dhe burgjeve, duke deklaruar se janë konfirmuar tre raste të personave të infektuar me virusin HIV/AIDS.
I ftuar në emisionin e Syri TV, Visha shprehu shqetësimin e tij të thellë lidhur me kushtet në institucionet e vuajtjes së dënimit, duke e cilësuar këtë situatë si një kambanë alarmi për autoritetet dhe shoqërinë.
“Sistemi i burgjeve ka rënë edhe me rastet e fundit që është kambana e alarmit të SIDA-ës. Janë identifikuar nga sistemi shëndetësor në paraburgim dhe në burgje 3 raste me SIDA të vërtetuara. Imagjino rrezikun te toga e shoqërimit, familjarët. Të identifikuarit janë meshkuj. Situata është e rëndë. I bëj thirrje dhe familjarëve të bëjnë kujdes. Nuk është më sëmundja e shekullit, por është e transmetueshme. Ne kemi hallin e sistemit të paraburgimit”, tha avokati Saimir Visha.
Pavarësisht deklaratës së avokatit, një gjë e tillë nuk është konfirmuar nga institucionet!
