Kryedemokrati Sali Berisha ironizoi me kryeministrin Edi Rama. Ai tha se sa herë ta degjojnë qytetarët duhet të kujtojnë 1Prillin, ditën e genjeshtrave.
“Njeriu që del çdo mëngjes dhe flet me vetë në një monolog dhe thotë se po flas me qytetarët, asnjë prej tyre nuk është qytetar, i shpik vetë, sot e ka ditën e tij. Po problemi është se ai çdo ditë e ka 1 prill. Vetëm një gjë, sa herë ta dëgjoni, kujtoni 1 prillin se është dita e Edi Ramës. Prej 15 muajsh, dërguam në parlament minimumin jetik.
Pavarësisht se po e votuan, qeveria do fitonte kredit, po le të fitonte. Një zonjë thoshte një ditë që kam 130 euro pension, 60 euro paguaj qiranë në ndërtesën sociale dhe mbetem me 70 euro. Çfarë mund të bëjë njeriu me 70 euro? Kështu që e dërguam atë në parlament. E kishte përllogaritur Avokati i Popullit dhe organizata ndërkombëtare e punës. E mbajti dhe nuk pranonte kurrsesi ta votonte.
