Sekretari i Përgjithshëm i NATO-s, Mark Rutte ka folur në lidhje me luftën në Ukrainë, gjatë mbërritjes në samitin e Komunitetit Politik Evropian në Tiranë. Gjatë fjalës së tij, Rutte theksoi se Vladimir Putin bëri gabim që dërgoi një delegacion të nivelit të ulët për takimin me Ukrainën. Sipas tij, tashmë topi është në anën e Putin dhe se duhet që të luaj.
“Pres me padurim të takohem me ministrat e Jashtëm këtu në Tiranë. Putini beri gabim që dërgoi një delegacion të nivelit të ulët. Topi është në fushën e tij, ai duhet të luajë, të jetë serioz në gjetjen e paqes, trysnia është mbi të. Gjë e mirë që Ukraina a ka dërguar një delegacion të mirë për të arritur paqe, i lumtur për rolin që ka marrë përsipër SHSB dhe presidenti Trump për arritjen e paqes”, tha Rutte.
