Rudi Vata ka lëshuar disa shigjetime në drejtim të FSHF dhe mënyrës së tyre për të “rekrutuar” futbollistë, një sistem i ndërtuar gabim dhe i zhvilluar gabim, aq sa pasi ka sqaruar cështjen mbi të birin, ka përmendur edhe emrin e Grudës duke shtuar: “Pse nuk vjen Gruda te Shqipëria? E pra, babai i tij është shqiptar, Bujar Gruda, që ka veshur fanellën e Vllaznisë.
Sepse Brajani ka lindur dhe është rritur në Gjermani. Eshtë shkolluar aty, ai nuk mendon si shqiptar, ai mendon si gjerman, kurse në FSHF mendojnë se çdo futbollist duhet t’i shërbejë atdheut të familjes së tij dhe se mjafton vetëm t’i bësh një ftesë ose një telefonatë dhe kaq.
Po pse a ka nevojë Shqipëria apo Brajani për Shqipërinë. Nëse unë do të isha në FSHF do të shkoja dhe të bëja çmos, duke e takuar familjen e djalit, vetë djalin. Çfarë i ofron Shqipëria atij? Çfarë projekti teknik? Nuk bëhen këto gjëra të çova ftesë dhe mora përgjigje, kaq. Kjo sështë të punosh për të rekrutuar fëmijë emigrantësh”.
