Sekretari i Shtetit i SHBA-së, Marco Rubio, e paralajmëroi Iranin kundër hakmarrjes ndaj sulmeve të SHBA-së në centralet bërthamore iraniane, duke thënë se një veprim i tillë do të ishte “gabimi më i keq që ata kanë bërë ndonjëherë”.
Rubio, i cili shërben gjithashtu si këshilltar i sigurisë kombëtare, i bën komentet në emisionin “Sunday Morning Futures with Maria Bartiromo” të Fox News.
Ai thotë se oferta për diplomaci me Iranin është ende e hapur dhe se ndryshimi i regjimit “nuk është qëllimi” i Shteteve të Bashkuara.
“Nëse Irani reagon, do të jetë gabimi më i madh që ka bërë ndonjëherë,” deklaroi Rubio në një intervistë për emisionin “Sunday Morning Futures” në Fox News.
Rubio nënvizoi se Shtetet e Bashkuara mbeten të hapura për dialog me Teheranin: “Propozimi ynë për bisedime vazhdon të vlejë.”
Deklarata e tij vjen në një moment tensionesh të larta në Lindjen e Mesme, pas sulmeve masive të SHBA ndaj objekteve bërthamore iraniane.
