Europol dhe Eurojust, kanë reaguar pas goditjes së një rrjeti kriminal që trafikonte vajza nga Amerika Latine në Shqipëri për shfrytëzim seksual.
Sipas njoftimeve, rrjeti kryesohej kryesisht nga shtetas kolumbianë, të cilët rekrutuan dhe transportuan gra të cenueshme për të punuar si prostituta në disa vende evropiane, përfshirë Shqipërinë dhe Kroacinë. Viktimat i nënshtroheshin dhunës fizike dhe psikologjike, si dhe kërcënimeve ndaj familjeve të tyre në Kolumbi.
Në kuadër të operacionit u zhvilluan 19 masa sigurie, përfshirë 16 kontrolle në shtëpi, ku u gjetën prova dhe pajisje që do të përdoren në hetime të mëtejshme.
Europol dhe Eurojust bëjnë me dije se aktivitetet seksuale reklamoheshin në faqet online, ndërsa rrjeti kishte një strukturë shumë të organizuar, me role të ndara që varionin nga rekrutimi dhe transporti, deri te kontrolli dhe shfrytëzimi i drejtpërdrejtë i viktimave.
Rezultatet e operacionit:
54 viktima nga Amerika e Jugut u identifikuan dhe u shpëruan.
17 të dyshuar u arrestuan, 7 në Shqipëri dhe 10 në Kolumbi, përfshirë një objektiv me vlerë të lartë.
Shërbimet operacionale u mbështetën nga projektet ndërkombëtare EU4FAST dhe Projekti i Drejtësisë Penale të Ballkanit Perëndimor.
