“Big Brother VIP” ka prezantuar sonte një risi në spektaklin e ndjekur, duke prezantuar një shtëpi paralele përveç asaj ku qëndrojnë VIP-at.
Kjo shtëpi e re, e quajtur “Shtëpia e Borëbardhës dhe 7 xhuxhave”, është frymëzuar nga përralla e famshme e vëllezërve Grim.
Në këtë hapësirë do të qëndrojnë persona të zakonshëm, jo publikë, të cilët do të kenë mundësinë të fitojnë të drejtën për t’iu bashkuar banorëve të tjerë. Ata do të zgjedhin “Borëbardhën” e tyre, një personazh VIP, që mund të jetë si djalë ashtu edhe vajzë.
Banorët e parë të kësaj shtëpie janë çifti Briseida dhe Juri, si dhe Eda.
