Manchester United po vuan shumë këtë sezon, humbja e djeshme 2-0 ndaj Crystal Palace e rëndon akoma dhe më shumë situatën kaotike që po përjeton ky klub. Te “Djajtë” nuk po funksionon asnjë nga repartet këtë sezon, por sidomos sulmi vazhdon të jetë shumë problematik. Dy qendërsulmuesit Zirkzee dhe Hojlund janë një dështim i madh, dhe ndaj duhet afruar një qendër sulmues i zoti.
Për të zgjidhur ngërçin në repartin sulmues, Manchester United i vjen një sugjerim interesant nga Rio Ferdinand.
Ish-kapiteni i ka sugjeruar Manchester United të transferojnë në formë huazimi Victor Osimhen brenda ditës së sotme që është edhe afati u fundit i merkatos dimërore. “Djajtë” janë duke kërkuar një sulmues dhe Ferdinand mendon se nigeriani do të ishte zgjedhja e duhur.
“Një numër nëntë natyral. Victor Osimhen, unë do të shkoja me Osimhen si huazim. Merreni atë si huazim, nëse është e mundur do ta kisha marrë atë”, u shpreh Ferdinand. Ish-sulmuesi i Napoli-t po përjeton një formë të shkëlqyer të Galatsaray ku është në huazim deri në fund të sezonit. Nigeriani ka shënuar 17 gola në 21 ndeshje deri tani.
Pas tij janë vënë në ndjekje disa klube të mëdha, si Chelsea, Arsenal, PSG etj. Osimhen në fund të sezonit kur i mbaron huazimi do të rikthehet te Napoli, por do jetë çështje kohe, pasi largimi nga klubi italian është i sigurt duke ditur marrëdhëniet e acaruara mes dy palëve.
