Suela Koçibellinj, eksperte e çështjeve sociale, e ftuar në emisionin Log. në News24, u shpreh se pasiguria ekonomike sjell largimin e rinisë, për pasojë, bien edhe lindshmëritë.
Sipas Koçibellinj, sot është një trend që çiftet e reja po shtyjnë sa munden moshën për të sjellë në jetë fëmijë dhe kjo lidhet ndër të tjera edhe me ndryshimet sociale që ka pësuar familja shqiptare.
Suela Koçibellinj: “Patjetër që emigracioni ka ndikuar shumë në 3 dekadat e fundit. Por unë flas nga terreni dhe shoh nga viti në vit që mbyllen shkollat. Dhe nëse mbyllen shkollat, mbyllet e ardhmja, që janë fëmijët. Nëse e lidhim me lindshmërinë, është ajo fjala që duhet të kemi fëmijë, e provojmë akoma, megjithatë, nuk është aq e thjeshtë sepse lidhet ngushtësisht me zhvillimin ekonomik.
Pastaj kemi çifte të reja që po shtyjnë moshën për të sjellë në jetë fëmijë. Sigurisht lidhur me pasigurinë ekonomike, pa harruar edhe ndryshimet sociale që ka pësuar familja shqiptare. Që të vazhdojë jeta, duhet të jenë dominuese lindshmëritë. Janë të shumta arsyet, por mosha që duhet të bëjnë fëmijë janë reduktuar shumë, pasi rinia ka ikur jashtë Shqipërisë. Por edhe kjo është për arsye ekonomike.”
