Lajme jo të mira për Barcelonën: rikthimi i Raphinhës është vonuar dhe braziliani do të humbasë ndeshjen e javës së 23-të në La Liga ndaj Mallorcës, për shkak të dëmtimit.
Sipas Diario AS, 29-vjeçari kishte pësuar një tërheqje në muskujt aduktorë të këmbës së majtë. Për të mos e përkeqësuar gjendjen, stafi teknik e kishte lënë pushim edhe në Kupën e Mbretit ndaj Albacetes, por tashmë është bërë e ditur se ekipi mjekësor ende nuk i ka dhënë “dritën jeshile” për t’u rikthyer.
Këtë sezon, Raphinha ka zhvilluar 22 ndeshje me Barcelonën, duke shënuar 13 gola dhe dhënë 5 asistime. Kontrata e tij me blaugranat zgjat deri në vitin 2028, ndërsa vlera e tij në treg, sipas Transfermarkt, vlerësohet 80 milionë euro
